Futbollisti i Kosovës, Edon Zhegrova ka thënë se nga brenda stafit të Kombëtares së Kosovës i është thënë se po qe se ai nuk vjen për ndeshjet e këtij muaji atëherë le ta harrojë grumbullimin.
Futbollisti i Lille me anë të një postimi në rrjetet sociale, është shprehur se ndaj Rumanisë ka ardhur dhe ka luajtur “me një këmbë” vetëm për hir të vendit.
“Të dashur tifozë, ditët e fundit erdha në pikëpyetje të luaj apo të mos luaj nga njerëz të kombëtares që ata vendosin për fatin e Kosovës në forma individuale dhe asnjëherë zyrtare. T‘ua them të vërtetën shumherë isha pengesë e disa personave në kombëtare dhe thashethemet ishin drejtuar kundrejt meje por nuk kam folur vetëm të mos e prishi harmoninë e kombëtares, sepse kombëtarja është mbi të gjithë, mbi intrigat dhe thashethemet e njerëzve amatorë kundrejt meje. Ndeshjen e fundit nuk pata mundësi të jem pjesë e Kosovës për arsye tashmë të njohura pavarësisht dëshirës sime të madhe. Ua kam bërë të ditur që për ndeshjet tjera dua të jem aty dhe të ndihmojë kombëtaren me vullnetin maksimal, por përgjigja e tyre ishte ‘nëse nuk do vjen këte ndeshje harroje edhe ndeshjet tjera nuk po na duhesh'”, ka shkruar Zhegrova. “E çuditshme kur jom në formën më të mirë une më në fund sakrifikoj gjithçka për Kombëtaren time”.
