F.B.
Pas ndeshjes Rumania – Kosova 2:0 shpërtheu Edon Zhegrova!
Ai pas ndeshjes tregoi një të vërtetë që nuk u pelqej atyre, pse tha se gjërat nuk janë mirë brenda, një të vërtetë që e dinë të gjithë në kombëtare, por qe nuk po flasin. Mirëpo heshtja e tyre po tregon se gjërat nuk janë mirë, e pse nuk janë mirë po tregojnë edhe rezultatet në fushë.
Zhegrova kërkoi ndihmë edhe prej bashkëlojtarëve të tjerë më të vjetër në kombëtare që të flasin se faji është brenda, por mbeti i vetem; sepse njeriu i drejtë gjithmonë mbetet vetëm!
Zhegrova është futbollisti më i mirë në kombëtarën e Kosovës dhe talenti më i madh, këtë e ka thënë edhe vet legjenda e gjallë e futbollit tonë, tashmë i ndjeri, FADIL VOKRRI. Kujt po i intereson ta shkaterrojë këtë talent duke mos ia dhënë rastin të luajë dhe të dëshmojë se është më i miri, kjo po shihet ashiqare…vetëm kush nuk sheh dhe dëshiron ta anashkaloj këtë.
Megjithatë atë nuk mund ta shkatërrojnë sepse tashmë ai e ka dëshmuar se është futbollist shumë i mirë, por po e shkatërrojnë kombëtarën e Kosovës sepse edhe Zhegrova nesër mund të largohet sikurse Mirlind Daku , Muja etj.
Eksperimentet që po bëhen me trajner dhe futbollist nuk po sjellin rezultate, e siç duket dikujt në federatë dhe në kombëtare po i duhen eksperimentet. Nuk ju interesojnë rezultatet e mira, sepse pastaj mund të shkarkohen. Ky është mentaliteti jonë, nuk ia dëshirojnë të mirën kombëtarës dhe as futbollistëve, por shikojnë vetëm rehatinë dhe interesat e tyre.
Një trajner i futbollit me patë deklaruar njëherë: ”U shpalla kampion me skuadrën, dhe kur prita të më shpërblejnë për suksesin e arritur, ata më shkarkuan!!!”
Zhegrova është trim, i guximshëm, i duhet Kosovës dhe duhet të jetë lider i kombëtares së Kosovës.