FB
Deputeti i LDK-së, Armend Zemaj ka folur për vrasjet e luftës dhe pasluftës në Kosovë dhe për procesin gjyqësor të Gjykatës Speciale në Hagë.
Zemaj ka thënë se LDK kërkon drejtësi për vrasjet enigmatike që mbeten ende të pazgjidhura.
‘’Kërkesa e jonë permanente është që të ketë drejtësi. Çdo krim duhet të zbardhet kudoqoftë dhe kushdoqoftë. Më së miri është të presim verdiktin e gjykatës’’, ka deklaruar ai.
Akuzat se LDK dhe anëtarë të saj po bashkëpunojnë dhe po dëshmojnë në Gjykatën Speciale, Zemaj i ka quajtur propagandë ndaj partisë së tij.
Ai ka thënë se duhe t’u jepet përgjigje të këqijave që kanë ndodhur në Kosovën e pasluftës.
‘’Kemi qenë këtu edhe kur është themeluar gjykata speciale, kur ka dështu drejtësia e EULEX-sit. UMNIK-ut dhe ajo e Kosovës. Tash duhet t’ia lëmë drejtësisë. Duhet t’u jepet përgjigje të këqijave që kanë ndodhur në Kosovën e pasluftës’’ ka deklaruar ai.
Zemaj ka theksuar se LDK nuk ka interferuar asnjëherë në drejtësi. ‘’ LDK është subjekt serioz , për respektimin e të drejtës dhe ligjit. Nuk ka asnjëherë dëshmi që ka interferu në drejtësi’’, ka dekraruar ai.
Zemaj këto komente i ka bërë ne T7 në emisionin DPT te gazetari F. Jupolli.
