Analisti Visar Ymeri thotë se plani franko-gjerman, të cilën kryeministri Kurti e pranoi, nuk parasheh njohje të Kosovës nga Serbia.
Ymeri tha se për këtë përgjegjës është kryeministri Albin Kurti dhe i njëjti duhet të japë sqarime për këtë.
“Plani franko-gjerman nuk përkthehet me njohje në qendër që ne kemi lobuar si shtet, duke pasur përkrahjen e SHBA-së… Kurti duhet të ketë përgjegjësi për këtë (për planin franko-gjerman), njohja në këtë plan mungon dhe Kurti duhet të na tregojë se pse”, ka thënë Ymeri në RTV Dukagjini.
Sipas ish-bashkëpartiakut të Kurtit, kryeministri duhet të dalë të tregojë se pse ka dështuar në arritjen e qëllimeve të tij për njohjen në qendër.
“Më shumë sesa zoti Kurti të dalë të tentojë të thotë që kam synuar të arrijë, ne e dimë që këtë nuk ka synuar gjithë ta arrijë, së paku çka ka folur, është të na tregojë pse ka dështuar në arritjen e qëllimeve të tij për njohjen në qendër, ndoshta kanë qenë shkaqe objektive dhe të jashtme”, shtoi Ymeri.
