F.B.
Golden Eagle Ylli ka shënuar fitore ndaj Pejës me shifrat 66:75 (18:19, 9:19, 20:17, 19:20).
Therandasit barazuan serinë çerekfinale në 1:1 dhe ndeshja e ardhshme do të jetë vendimtare se kush do të kualifikohet në gjysmëfinale.
ADVERTISEMENT
Në çerekun e parë, ndeshja ishte kryesisht e baraspeshuar me vendasit që kishin katër e pesë pikë epërsi, por përfundoi 18:19 për mysafirët, që vazhduan me lojë shumë më të mirë në periudhën e dytë, 9:19, për të shkuar në pushim me rezultat 27:38.
Në pjesën e dytë u zhvillua lojë më e baraspeshuar, por me therandasit që ruajtën epërsinë dhe fituan 66:75.
MVP i ndeshjes Peja-Golden Eagle Ylli ishte Jalen Nesbitt i mysafirëve me 14 pikë e 11 kërcime.
