F.B.
Pak orë para ndeshjes Kosovës-Zvicër, sfidë kjo që luhet në ‘Fadil Vokrri’, ka folur ylli shqiptar i skuadrës helvete Xherdan Shaqiri.
Shaqiri bashkë me Granit Xhakën, Ardon Jasharin dhe Uran Bislimin, do të jenë pjesë e Zvicrës në duel me ‘Dardanët’, në një sfidë që pritet të jetë fantastike.
Shaqiri përmes llogarisë së tij në Instagram, ka thënë se ka qenë ëndërr e tij që një ditë të luajë në Kosovë.
ADVERTISEMENT
“Ka qenë gjithmonë një ëndërr të luaj një herë në Kosovë ku kam lindur dhe do ta shijoj çdo sekondë”, u shpreh Shaqiri.
Ndeshja ndërmjet Kosovës dhe Zvicrës luhet në kuadër të Grupit I e vlefshme për kualifikueset e EURO 2024 dhe fillon në orën 20:45.
