F.B.
Mesfushori i Bayer Leverkusenit, Granit Xhaka, është shprehur i lumtur me fitoren ndaj Romës.
Leverkuseni të enjten mbrëma mundi Romën (0-2), duke bërë hapin e madh drejt finales së Europa League.
Xhaka pas ndeshjes tha se skuadra e tij bëri një ndeshje perfekte.
Sipas mesfushorit kosovar, fitorja e Leverkusenit, ka mundur të jetë edhe më e thellë.
“E dinim se do të ishte e vështirë, por ne luajtëm një lojë të shkëlqyer dhe është për të ardhur keq që nuk shënuam më shumë gola”, ka thënë Xhaka për ‘RAI’.
Ai beson se skuadra e tij tashmë është shumë afër finales së madhe të Europa League-s, ligë kjo e dyta për nga rëndësia.
“Bëmë një hap të madh. Megjithatë, ne e dimë forcën e Romës dhe duhet të jemi të kujdesshëm në ndeshjen kthyese. Finalja është afër”, ka pohuar reprezentuesi shqiptar i Zvicrës.
