Vitia e Hamza vizitojnë të lënduarit e shpërthimit në Mitrovicë

f.b.

Ministri i Shëndetësisë, Arben Vitia si dhe kryetari i Mitrovicës, Bedri Hamza kanë vizituar të lënduarit e shpërthimit, të shtrirë në Qendrën Klinike Universitare të Kosovës.

“Unë vizitova familjen dhe institucionet shëndetësore të cilët janë duke e dhënë maksimumin për të iu dalur në ndihmë personave të lënduar”, ka shkruar Hamza.

Në QKUK aktualisht janë të shtrirë 13 pacientë, teksa 15 kanë qenë prezentë në shpërthimin në një shtëpi në fshatin Kçiq. 4 nga të shtrirët janë duke u operuar, ndërkaq të tjerët kanë marrë djegie të shkallës së parë dhe të dytë. Fillimisht ata kanë marrë trajtim mjekësor në QKMF të Mitrovicës, për të vazhduar më pas në QKUK.