Lisa Marie Presley, fëmija i vetëm i legjendës së rock `n` roll-it, Elvis Presley, ka vdekur në moshën 54-vjeçare. Lajmin e ka konfirmuar nëna e saj.
“Me zemër të thyer më duhet të ndaj lajmin shkatërrues se vajza ime e bukur Lisa Marie, na ka lënë”, tha Priscilla Presley.
Lisa Marie, e bija e legjendës së rock ‘n’ roll-it, e cila gjithashtu ishte këngëtare, u dërgua të enjten me urgjencë në spital. Mediat amerikane raportojnë se ajo pësoi arrest kardiak, raporton BBC, tarnsmeton RTKlive.
Ajo u gjet pa vetëdije në shtëpinë e saj në Calabasas, Kaliforni, thanë burimet për gazetën amerikane TMZ.
“Ajo ishte gruaja më e pasionuar, e fortë dhe më e dashur që kam njohur ndonjëherë”, tha Priscilla Presley, nënë e saj, në një deklaratë të lëshuar për media.
“Ne kërkojmë privatësi ndërsa përpiqemi të përballemi me këtë humbje të thellë.”
Nëna e saj nuk e ka përmendur në deklaratë shkakun e mundshëm të vdekjes të së bijës.
Sidoqoftë, duke cituar një burim të afërt me Lisa Marie Presley, gazeta TMZ raportoi se ylli u gjet pa shenja jete në të enjten në mëngjes, në dhomën e saj të gjumit.
Pothuajse në të njëjtën kohë, ish-bashkëshorti i saj Danny Keough, i cili gjithashtu jeton aty, i ka dhënë ndihmën e parë.
Emergjenca arriti pas pak dhe e dërguan në spital, por pa pasur mundësi ta shpëtojnë.
E lindur në vitin 1968, Lisa Marie vazhdoi të ndiqte gjurmët e babait të saj dhe filloi karrierën në muzikë.
E lindur në vitin 1968, Lisa Marie vazhdoi të ndiqte gjurmët e babait të saj dhe filloi karrierën në muzikë.
Ylli publikoi tre albume. Me albumin e saj debutues të vitit 2003, ajo shiti qindra mijëra kopje dhe mori vlerësime përgjithësisht pozitive.
Ylli ishte gjithashtu ishte e njohur për një seri martesash të profilit të lartë, si me legjendën e muzikës pop, Michael Jackson, aktorin Nicholas Cage dhe muzikantët Danny Keough dhe Michael Lockwood.
