F.B.
Drita do të përballet nesër me Viktoria Plzen, në kuadër të ndeshjes kthyese të rrethit të dytë kualifikues në Ligën e Konferencës.
Ndeshja e parë e zhvilluar javën e kaluar në Çeki u mbyll pa fitues 0:0, rezultat ky që i jep shpresë “Intelektualëve”.
Trajneri i Dritës, Akis Vavalis tha se nesër Viktoria Plzen do të jetë favorit, por ekipi i tij do ta ketë përparësi mbështetjen e madhe të tifozëve.
“Nesër do ballafaqohemi me Viktoria Plzen, që prap do jetë lojë e vështirë. Pres që ndeshja e dytë të jetë edhe më e vështirë se ndeshja e parë në Çeki. Ne në ndeshjen e parë kishim rezultat të mirë, por kjo nuk thotë asgjë pasi kemi edhe 90 minuta shumë të vështirë. Pres të njejtin angazhim nesër. Ekipi i Viktoria Plzen është favorit, ne do kemi një përparësi sa i përket fushës dhe mbështetjen e madhe të tifozëve që do jenë në numër të madh”, u shpreh trajneri grek.
