F.B.
Opozitari i ndjerë rus Aleksei Navalny, do të varroset të premten në Moskë. Gruaja e tij Yulia Navalnaya ka thënë se Kremlini mund ta shfrytëzoje këtë rast për të arrestuar familjarët dhe bashkëpunëtorët e Navalnit.
Familjarët dhe përfaqësuesit e opozitarit Rus Aleksei Navalny, i cili vdiq në një koloni Penale në Arktik me 16 shkurt duke nxitur reagime nga një pjesë e madhe e botës, kanë thënë se varrimi i tij do të mbahet në premten në Moskë. SIpas njoftimeve, Navalny do të varroset në varrezat Borisovo të kryeqytetit Rus.
Por, gruaja e tij, Yulia Navalnaya , ka thënë se nuk është e sigurt se varrimi do të përfundon në mënyrë paqësore pasi që autoritetet refuzuan kërkesat për mbajtjen e një shërbimi civil, memorial për Navalny-n. Ajo shtoi edhe se druan që policia mund të vie për të arrestuar familjarët, bashkëpunëtorët apo edhe qytetarët të cilët do të paraqiten për tu përshëndetur me Navalny-n.
Ajo, edhe një herë, akuzoi Putinin për orkestrimin e vrasjes së Aleksei Navalny-t.
Kremlini, vazhdon të mohon çfarëdo përgjegjësie për vdekjen e Navalny-t dhe vazhdon të përsëris se 47-vjeçari ka vdekur nga shkaqet natyrale.
