Ushtria izraelite të shtunën paralajmëroi banorët e Libanit jugor “të mos kthehen” në shtëpitë e tyre ndërsa tha se trupat vazhduan të luftojnë militantët e Hezbollahut në zonë, raporton Agence France-Presse (AFP).
Forcat izraelite vazhdojnë të “shënjestrojnë postet e Hezbollahut në ose afër fshatrave tuaja”, tha zëdhënësi ushtarak Avichay Adraee në X.
Ai shkroi: “Për mbrojtjen tuaj, mos u ktheni në shtëpitë tuaja deri në një njoftim tjetër. Mos shkoni në jug; kushdo që shkon në jug mund të rrezikojë jetën e tij”.
Në anën tjetër, në Gaza The Guardian raporton se të paktën 30 persona janë vrarë nga sulmet izraelite gjatë gjithë ditës në qytetin verior të Gazës Jabalia dhe kampin e refugjatëve, sipas agjencisë së mbrojtjes civile të Gazës, një javë pasi Izraeli filloi një ofensivë atje, e cila pretendon se synon të ndalojë rigrupimin e Hamasit.
