Presidentja e Komisionit Evropian, Ursula von der Leyen, në fjalën e saj nga takimi i gjashtë i Komunitetit Politik Evropian po zhvillohet këtë të premte, (16 maj) në Sheshin Skënderbej në Tiranë tha se po punohet për grupin tjetër të sanksioneve ndaj Rusisë.
Von der Leyen u shpreh se Evropa është gati të bëjë më shumë për ta sjellë Putinin në tryezën e negociatave.
Ursula von der Leyen: Jemi këtu dhe historia është kthyer. Kështu është kthyer dhe gjeopolitika. Lufta është e nxitur nga ambiciet e Putinit. Nevoja për një thirrje për Evropën është artikuluar 100 herë. Sot Evropa është zgjuar. Ne duhet të ecim përpara.. Kemi mësuar të gjithë që kur ka kriza të mëdha, Evropa është ajo që jep përgjigje të mëdha. Janë kriza të rënda që na kanë sfiduar, por Evropa ka dalë prej tyre më e madhe.
Evropa është bashkuar më shumë. Evropa ka qëndruar e bashkuar në mbështetjen e saj për Ukrainën. Vetëm fakti që jemi të ulur këtu, Z. Zelensky, është provë e bashkimit tonë të palëkundur. Kjo tregon bashkëpunimin tonë për të gjetur një rrugë drejt një marrëveshjeje paqeje. Gjatë rrugës, shumica ka mbështetur sanksionet kundër Rusisë dhe ato po japin efekt. Ne jemi gati të bëjmë më shumë për ta sjellë Putinin në tryezën e negociatave. Ne duam paqe. Kështu që po punojmë për grupin tjetër të sanksioneve. Jemi mbledhur këtu në Tiranë për të ndërtuar të ardhmen tonë të përbashkët, të ardhmen tonë të Evropës. Nëse ia dalim me sukses, dhe nuk kam aspak dyshim, ky është ngjitësi për paqen dhe është më i fortë se çdo agresion. Rroftë Evropa.
