Zyra e Programit të Kombeve të Bashkuara për Zhvillim (UNDP) në Kosovë lansoi programin e ri për të rritur qëndrueshmërinë ekonomike të bizneseve mikro, të vogla dhe të mesme në Kosovë.
Gjatë ngjarjes janë prezantuar mjetet e zhvillimit të biznesit të Programit të Rezistencës Ekonomike (ERP), e përbërë nga tre metodologji, të cilat kanë zënë praktikë në vendet ku UNDP e shtrin misionin e vet.
“Deri më tani, më shumë se 40,000 kompani, nga të cilat 65% drejtohen nga gratë, janë asistuar dhe kanë përmirësuar bizneset e tyre në 17 vende, më së fundi në Shqipëri, Kolumbi, Guajana dhe Paraguaj”, thuhet në komunikatë.
Në ngjarje kanë marrë pjesë Rozeta Hajdari, ministre e Industrisë, Ndërmarrësisë dhe Tregtisë, Faton Peci, ministër i Bujqësisë, Pylltarisë dhe Zhvillimit Rural, Nenad Rashiq, ministër i Komuniteteve dhe Kthimit, dhe Shaqir Totaj, kryetar i Komunës së Prizrenit.
