F.B.
Komiteti i Arbitrave të UEFA-s ka pranuar se një penallti duhet t’i ishte dhënë Gjermanisë kundër Spanjës pas prekjes me dorë të Marc Cucurella-s.
Komiteti ka informuar arbitrat ndërkombëtarë se ka pasur një gabim në atë moment dhe loja duhet të kishte përfunduar me akordimin e një penalltie.
Situata është përfshirë në rishikimin më të fundit nga organizata, e cila periodikisht analizon ndeshjet evropiane për të standardizuar kriteret dhe për të siguruar që arbitrat të marrin vendime të njëjta në raste të ngjashme.
Në dokument thuhet: “Sipas udhëzimeve më të fundit të UEFA-s, kontakti dorë-top që ndalon një goditje drejt portës duhet të ndëshkohet më rreptësisht dhe në shumicën e rasteve duhet të jepet një goditje nga pika e bardhë, përveç nëse krahu i mbrojtësit është shumë afër trupit ose në kontakt me trupin. Në këtë rast [Cucurella], mbrojtësi ndalon goditjen drejt portës me krahun e tij, i cili nuk është shumë afër trupit, prandaj duhet të ishte dhënë penallti.”
