F.B.
Dje u vendos që ekipet e inkuadruar në Ligën e Parë të Kosovës në futboll, Dinamo dhe Shkëndija të vendosen në grupet e tyre.
Dinamo që është nga Ferizaj u dërgua në grupin A dhe do të jetë në grup ndryshe me ekipin tjetër nga i njëjti qytet, FC Ferizaj.
Nëpërmjet një reagimi në faqen e tyre në Facebook, Dinamo thotë shorti i hedhur sot është bërë në kundërshtim me rregulloren e FFK-së.
Sipas tyre, FC Vushtrria është dashur të kalojë në grupin A dhe Dinamo të jetë në grupin B.
Reagimi i plotë i tyre, pa ndërhyrje:
Ankese ndaj Federates se Futbollit per ndarjen padrejtësis te shortit ne ligën e parë.
Me këtë letër duam të shprehim indinjatën dhe zhgënjimin tonë pas ndarjes së padrejtë të shortit nga ana e Federatës së Futbollit. Klubit të Futbollit FC Dinamo, paraqet një ankesë zyrtare për këtë veprim të pandershëm që na ka prekur. Jemi të tronditur të kuptojmë se shorti i hedhur sot është bërë në kundërshtim me rregulloren e FFK-së . Kjo është një shkelje e rëndë e të drejtave tona si klub, e cila nuk mund të pranohet dhe kërkon një përgjigje të menjëhershme. Si klub, kemi bërë përpjekje të jashtëzakonshme dhe kemi investuar shumë në përgatitjen dhe zhvillimin e skuadrës sonë për të marrë pjesë në grupin B aty ku edhe na takon sipas rregullores së FFK-së, ku neni 3 e thot kjartë dhe kjo i bie që skuadra FC Vushtrria skuadër e cila është pjesë e regjionit të Mitrovicëc të garoj në Gr-A.
Ndaj, është e pafalshme që Federata e Futbollit të shkelë të drejtat tona. Kërkojmë që Federata e Futbollit të rishikojë menjëherë këtë vendim dhe të na japë sqarime të plota rreth arsyetimit dhe procedurës së ndarjes së shorteve në grupe. Ne si Klubi FC Dinamo kemi të drejtën e barabartë për të qëndruar në këtë grup (B) dhe të garojmë në kushte të barabarta me ekipet e tjera. Klubit FC Dinamo, nuk do të heq dorë nga lufta për të mbrojtur të drejtat tona dhe për të kërkuar drejtësi. Kërkojmë që Federata e Futbollit të rregullojë këtë situatë në mënyrë të menjëhershme dhe të sigurojë që drejtësia të bëhet përmbushje për Klubin FC Dinamo.
