Tifozët KBPrishtina Plisat dhe ata Torcida te KBTrepça në ndeshjen e Super Kupës së Kosovës ne basketboll me sjellet e tyre te dhunshme kanë prishur ç’do gjë sa i perket kësaj finaleje. Si pasojë e kësaj ngjarje te turpshme : Këshilli për Parandalimin e Dhunës në Sport kërkon ndalimin e pjesëmarrjes së tifozëve në ndeshjet e basketbollit. Në mbledhjen e jashtëzakonshme të Këshillit për Parandalimin dhe Sanksionimin e Dhunës dhe Dukurive Negative në Ngjarjet Sportive,te mbajtur dje,anëtarët e Këshillit i kanë trajtuar seriozisht dhe me urgjencë maksimale incidentet e shkaktuara.
Këto janë katër pikat e rekomanduara:
1. Kërkohet te ndalohet pjesëmarrja në mënyrë te organizuar dhe me çfarëdo shenje dalluese e të gjitha grupeve të tifozëve në ndeshjet e basketbollit,te cilat organizohen nga Federata e Basketbollit të Kosovës,deri në një njoftim tjetër.
2. Kërkohet nga të gjitha grupet e tifozëve te cilet deri me tani nuk janë regjistruar tek Departamenti i Organizatava Joqeveritare(DOJQ) ne kuadër te Ministrisë së punëve te Brendshme,ta bëjnë këtë gjë në afatin më të shkurtër kohor,dhe pas regjistrimit ta deponojnë listën me emrat e kryesisë dhe emrat e të gjithë anëtarëve të Kuvendit të OJQ-së te Drejtoria për Sport e Komunës përkatëse.
3 . Kërkohet nga Federata e Basketbollit të Kosovës që të aplikojë me rigorozitetin maksimal të gjitha dispozitat normative përkatëse që janë në kuadër të Propozicioneve të Garave të FBK-së.
4. Kërkohet nga Ministria e Kulturës, Rinisë dhe Sportit që ta përfshijë në planifikim buxhetor për vitin 2023 vendosjen e sistemit të kamerave të sigurisë në të gjitha palestrat sportive,ndërkaq në vazhdim të procesit vendosja e kamerave të sigurisë të bëhet edhe në të gjitha stadiumet e futbollit .
