Serbët që i përkasin botës së sportit nuk kanë të ndalur me mesazhet skandaloze në lidhje me shtetin e Kosovës.
Një i tillë u shfaq sot nga tifozët e Crvena Zvezdës, të njohur si “Delije”.
Këta tifozë u përkujdesen për një koreografi skandaloze gjatë ndeshjes miqësore mes skuadrës nga Beogradi dhe Fiorentinas.
Në koreografi shihet një tank i madh, në sfondin e të cilit është flamuri serb dhe poshtë tij u shkrua mesazhi” “Të kthehet ushtria në Kosovë”.
Sipas mediumit nga Serbia “telegraf.rs”, kjo koreografi u shfaq në minutën e 12-të dhe sekondën e 44-të (12:44), dhe ishte zgjedhur simbolikisht sepse i referohet rezolutës 1244 të Kombeve të Bashkuara.
Mbetet të shihet nëse do të ndërmerret ndonjë masë ndaj klubit serb pas këtij veprimi të shëmtuar nga tifozët.
