Igli Tare është gjithmonë e më pranë postit të drejtorit sportiv të Milanit ndërsa gazeta prestigjioze sportive italiane, “La Gazzetta Dello Sport”, bën të ditur se ai do të takohet brenda 48 orëve të ardhshme me administratorin kuqezi Giorgio Furlani.
Palët do të zhvillojnë një takim për një akord të mundshëm mes palëve, por së pari duhet të dinë kushtet që kërkojnë.
Tema e parë për të trajtuar është trajneri. Nëse Milani arrin të sigurojë një vend në Champions, Sergio Conceicao nuk do të qëndrojë dhe kështu drejtori i ri sportiv, në marrëveshje me përfaqësuesit e tjerë të klubit, duhet të tregojë një listë të trajnerëve të mundshëm.
Sipas vlerësimit të Igli Tares, në vendin e parë qëndron Maximiliano Alegri.
Ky i fundit i ka të gjitha karakteristikat që kërkon klubi, përveç kësaj, ai nuk e njeh vetëm Italinë, por di të lëvizë në mënyrë perfekte brenda “Milanelos”.
Allegri jetoi aty për katër vjet (2010-2014) dhe 178 ndeshje i ulur në stol, me 91 fitore (disa prej të cilave çuan në kampionatin e vitit 2011 dhe një Superkupë Italie), në total pati edhe 49 barazime dhe 38 humbje, transmeton PanoramaSport.
Ai do të kthehej me shumë, shumë dëshirë për t’u ulur në pankinën e kuqezinjve. Kabineti i tij personal i trofeut përfshin pesë tituj të tjerë të Serisë A, po aq Kupa të Italisë dhe dy Superkupa të Italis, të gjithë titujt e fituar te Juventusi.
I lirë që verën e kaluar pas kthimit në Torino, ai tashmë mund të jetë në shërbim të Milanit.
Përveç trajnerit të ri, drejtori sportiv duhet të mendojë edhe për merkaton e verës te Milani.
