Shefi i Grupit Parlamentar i AAK-së, Besnik Tahiri, gjatë seancës së sotme në Kuvend ka folur për videon e VV-së ku është paraqitur edhe një fotografi e tij.
Ai kërkoi nga Vetëvendosje që ta largojë fotografinë e tij nga video, duke paralajmëruar se do të angazhohet në gjykatë “për trajtimin e kësaj teme”.
“Nuk mundem me e kuptu ku e merr guximin ai njeri që e ka bërë atë video që ta vendosë fotografinë time në një video inkriminuese edhe të më fyejë. Ku e merr ai guximin ta vendosë fotografinë time e t’i krijojë shqetësim familjes sime, rrethit familjar tim kur unë kurrë në jetë as sa kam qenë në funksion publik, kurrë sen nuk kam keqpërdorur asgjë. Le të del Vetëvendosja e të thotë veç një element që e kam keqpërdorur. Kam qenë zv. Kryeministër si Besnik Bislimi, e kurrë nuk kam bërë asnjë keqpërdorim, gjeni vetëm një keqpërdorim që kam bërë, gjemani vetëm një njeri që kam shti në punë, gjemani një keqpërdorim që e kam bë. Po kush jeni ju me ma vendos fotografinë mu, a mendoni që kjo kalon veç hajt?! Dilni secili në veti, qysh ju duket juve deputet me ju vendos një parti politike fotografinë e juaj në video inkriminuese pa keqpërdor ju sen. Nuk lejoj me kalu kjo qishtu. Unë kërkoj nga Vetëvendosja me largu fotografinë time, përndryshe do të përdori gjitha mekanizmat ligjor në këtë shtet dhe kudo, për me tergu Vetëvendosja se çfarë kam keqpërdor unë… Pres prej Vetëvendosjes reagim, pres me ma hjek fotografinë, përndryshe do të angazhohem në gjykatë me trajtu këtë temë”, ka thënë Tahiri.
