F.B.
Në Gjilan, dje rreth orës 14:00, janë arrestuar dy të dyshuar të cilëve pas kontrollit, Policia e Kosovës iu kishin gjetur substancë të dyshuar narkotike.
Njëri nga ta gjatë arrestimit, e kishte sulmuar fizikisht zyrtarin policor duke e penguar ta kryej detyrën.
“Gjatë arrestimit të të njëjtit , i njëjti kishte rezistuar dhe e kishte sulmuar fizikisht zyrtarin policor, të cilit i ka shkaktuar edhe lëndime trupore, po ashtu i dyshuari tjetër e kishte penguar zyrtarin policor në kryerje të detyrës, i cili pasi ishte larguar në drejtim të panjohur ishte lokalizuar dhe arrestuar nga njësitë policore”, thuhet në njoftimin e Policisë.
Me vendim të prokurorit kujdestar njërit nga të dyshuarit i është caktuar masa e ndalimit për 48 orë, ndërsa i dyshuari tjetër është liruar në procedurë të rregullt.
