Peja dhe Trepça do të përballen sonte në ‘Karagaçi’ në finalen e dytë të play-off-it.
Dueli i sontem parashikohet të sjellë një sfidë të zjarrtë dhe një atmosferë fantastike pasi që tashmë janë shitur të gjitha biletat për këtë ndeshje.
Trepça fitoi ndeshjen e parë 94:86, duke udhëhequr 1:0 në serinë finale, ndërsa për tu shpallur kampion nevojiten tri fitore.
Verdhezinjtë shpresojnë në fitore për të barazuar serinë në 1:1, ndërsa mitrovicasit për fitore e 2:0, për të qenë më afër titullit të kampionit.
Peja për herë të fundit ishte shpallur kampion më 2013, ndërsa Trepça më 2012. Verdhezinjtë ishin edhe në finale të Ligës Ballkanike, ku në fundjavën e kaluar pësuan nga Hapoel, ndërsa ‘Xehetarët’ kanë fituar Kupën e Kosovës në këtë edicion, ndërsa ishin edhe në finale të Superkupës.
Ndeshja mes Pejës dhe Trepçës fillon në orën 17:00.
