Dita e Turizmit në Kosovë është përzgjedhur për të përkuar me një moment të rëndësishëm për turizmin botëror, përvjetorin e miratimit të Statutit të Turizmit Botëror, më 27 shtator 1970.
Në emisionin “Mirëmëngjesi Kosovë”, në RTK, Muamer Sivrikoz, drejtor ekzektutiv në GUIDEKS, tha se turizmi në Kosovë ka ngritje të dukshme.
“Ka ngritje të turizmit në Kosovë, por sa i përket se prej nga i kemi këta turist kjo mbetet për t’u parë prej statistikave, mirëpo që ka ngritje të ardhjes së turistëve në Kosovë kjo është dukshëm më e madhe. Ndërsa nëse folmi për rekorde të turistëve akoma mbetet vitit 2019 pra para pandemisë pastaj pat njëfarë rikthimi në vitin 2022 prapë lufta në Ukrainë e pati njëfarë impakti ndërsa prapë u kthye në vitin 2023. Por ne mendojmë se viti 2024 do të thejë edhe rekordet e viteve të kaluar por që me gjithë atë duhet që prapë të presim fundin e vitit që të dalim më të saktë”, tha Sivirkoz.
Ai, tutje, foli për viset turistike në Prishtinë dhe gjetiu, për kohën, stinët kur mund të ngritet interesimi për turizmin.
“Në fakt kur flasim për Prishtinën dhe atë se çka ju flasim për Prishtinën interesi i tyre është të shohin Prishtinën e vjetër ose pazarin, sepse mendoj që kanë dëshirë të shohin shoqërinë e vërtetë, pra jetesën e tyre, sepse edhe ne mundohemi që kryesisht t’i sjellim në atë pjesë kur është kjo pjesa e vjeljes së rrushit ose koha e turshive, kështu që edhe mund t’ju tregojmë pak më shumë për shoqërinë tonë”, u shprehë Sivirkoz.
Për më shumë ndiqeni intervistën e plotë:
