F.B.
Organizatat “Shqiptaria” dhe “Artistët për Artistë” hapin sot ekspozitën “Fryma e Dashurisë” për nder të ditëlindjes së shenjtores Nënë Tereza, në sheshin “Nënë Tereza” në Prishtinë, në ora 12:00 deri 18:00.
Ekspozita e cila do të hapet në sheshin e kryeqytetit, që bart emrin e saj, vjen si reflektim mbi vlerat e dashurisë dhe të humanizmit.
ADVERTISEMENT
E sot është edhe ditëlindja e të madhes Shën Nënë Tereza, gruaja e cila në çdo hap të saj i rikujtoi botës mirësinë e dashurinë, e nuk e harroi as prejardhjen e saj shqiptare.
Përveç kësaj, kjo ditëlindje përkon edhe me 45 vjetorin e nderimit të saj me çmimin Nobel për Paqe, të cilin e mori në vitin 1979.
