Dita Ndërkombëtare e Vullnetarizmit (Dita Ndërkombëtare për Mbrojtjen e Klimës) është ditë e caktuar nga Asambleja e Përgjithshme OKB-së në vitin 1985 dhe u dedikohet të gjithë atyre vullnetarëve të shumtë anembanë botës, të cilët sakrifikojnë interesat e tyre personale, në interes të shoqërisë dhe komunitetit.
Nëse planeti do të vazhdojë të ngrohet, pasojat e ndryshimeve klimaterike do të arrijnë përmasa katastrofale, parashikojnë ekspertët e klimës.
Studiuesit mendojnë, se pasojat më të rënda të ndryshimit të klimës do të mund të shmangen, vetëm nëse Toka nuk do të ngrohet me më shumë se dy gradë. Ndryshe, marrëveshja e nënshkruar në vitin 2015 në Paris që udhëzon shtetet e Ballkanit Perëndimor që t’i rishikojnë strategjitë për energjinë mund të jetë edhe pjesë qenësore e angazhimit të këtyre shteteve drejt integrimit në Bashkimin Evropian.
Marrëveshja nuk është nënshkruar nga Kosova për shkak të statusit që ajo mban në raport me Organizatën e Kombeve të Bashkuara, mirëpo është e paraparë që edhe Kosova të bëjë ndryshime në raport me planin energjetik për mbrojtjen e ambientit.
Ministria e Kulturës, Rinisë dhe Sportit, ka njoftuar, me rastin e 5 dhjetorit, Dita Ndërkombëtare të Vullnetarizmit, e cila këtë vit në Kosovë shënohet me fokusin në pjesëmarrjen e të rinjve në zhvillimin e politikave dhe programeve për të rinj përmes angazhimit vullnetar.
“Ngjarja do të mbledhë përfaqësues nga Ministria e Rinisë, Kulturës dhe Sportit, Zyra e UNICEF-it në Kosovë, Vullnetarët e Kombeve të Bashkuara dhe të rinjtë vullnetarë të cilët kanë ofruar kohën dhe aftësitë e tyre për zhvillimin e komuniteteve, dhe promovimin e rëndësisë dhe formave të përfshirjes së të rinjve në zhvillimin e politikave dhe programeve për të rinjtë, apo përfshirjen direkte në programe të tilla”, thuhet në njoftimin kësaj ministrie.
