Departamenti i Dokumentarëve i Radio Televizionit të Kosovës (RTK), sonte (e enjte), me fillim nga ora 21:40, do të sjellë dokumentarin ‘Përtej Gjakut”,(pjesa e parë), i realizuar nga gazetarja e RTK-së, Valdete Osmani.
Pjesa e parë e dokumentarit flet për nismëtëtarët, kurse Pjesa e dytë për Anton Çetën dhe ata që falën gjaqet.
Anton Çetta, ishte kryetar i Këshillit Qendror të Lëvizjes Kombëtare për Pajtimin e Gjaqeve në vitin 1990.
Ky dokumentar flet për ndryshimin e traditës së gjakmarrjes, që ishte synim në sjelljen e paqes brenda pullazeve të odave të shqiptarëve si asnjëherë më parë. Në oda nuk dëgjohej vetëm zëri i burrave, por edhe i grave.
Këtu ishte pikë kthese e Lëvizjes së Pajtimit të Gjaqeve në vitin 1990. Për bajram dhe pashkë u falën qindra gjaqe.
Për më shumë ndiqeni sonte emisionin e plotë të dokumentarit ‘Përtej Gjakut’ .
