Këtë mesjavë do të zhvillohen dy super ndeshje në kuadër të 1/8 së finales së Champions League.
Në duelet e mbrëmjes së sotme, vëmendjen e tërheq dueli në “Anfield” ku Liverpooli do të jetë mikpritës i Real Madridit, në një ripërtëritje të finales së vitit të kaluar. Skuadra e Jurgen Klopp, e cila tashmë ka lënë prapa shpinës serinë e rezultateve negative synon t’i hakmerret madrilenëve për humbjen në finale.
Reali në këtë përballje do të ketë mungesa të rëndësishme në mesfushë, ngase Toni Kroos dhe Aurelien Tchouameni nuk do të jenë në shërbim të Ancelottit, derisa te Liverpooli në dyshim është vetëm sulmuesi Darwin Nunez.
Ndeshje interesante pritet të jetë edhe ajo në Frankfurt, ndërmjet Eintrachtit dhe Napolit. Skuadra e Amir Rrahmanit vlerësohet favorit duke pasur parasysh formën në të cilën po kalon, por skuadra gjermane sigurisht se do të bëjë çmos që para tifozëve të vet të mos zhgënjejë as me lojë e as me rezultat.
Ndeshje interesante priten edhe nesër, ku program do të jenë duelet Inter – Porto dhe Leipzig – Manchester City.