Një skandal ka shpërthyer në futbollin francez.
Klubi elitar, Nice e ka bërë një denoncim tek autoritetet pas shfaqjes së pamjeve erotike, të regjistruara në tualetet e stadiumit “Allianz Riviera” gjatë ndeshjes së Ligue 1 mes Nice – Lille.
Një aktore e filmave për të rritur duket se e ka pranuar sfidën e xhirimit të një skene brenda stadiumit ndërkohë që luhej ndeshja kampionale në Francë.
“RMC Sport” raporton se “Nice Eco Stadium”, kompania që e menaxhon stadium “Allianz Riviera”, ka paraqitur gjithashtu një ankesë për “lidhjen e imazhit të stadiumit me aktivitet pornografike”, përcjell “Gazeta Express”.
Tifozët e Nice e lajmëruan rastin përmes rrjeteve sociale për atë që e panën, ndërsa e alarmuan klubin për aktivitetin pornografik që po regjistrohej në ambientet e tij.
Që nga incidenti pornografik në stadiumin e tyre, skuadra në pronësi të Sir Jim Ratcliffe i ka fituar të gjitha ndeshjet e luajtura.
Madje, edhe gjatë regjistrimit të filmit për të rritur në tualetin e stadiumit, Gaetan Laborde shënoi golin e fitores kundër Lille.
