F.B.
Në mungesë të deputetëve të pozitës, është shtyrë konstituimi i Komisionit Hetimor për Rezervat Shtetërore. Deputetët pritet të mblidhen në orën 15.
Në mbledhjen ku parashihej të konstituohej ky komision munguan deputetët e LVV-së, Armend Muja, Driton Hyseni, Shqipe Meta-Isufi, Halil Thaçi, Salih Zyba. Po ashtu mungoi Erxhan Galushi nga subjekti LPRK.
Javë me parë Kuvendi i Kosovës ka themeluar Komisionin Hetimor Parlamentar lidhur me procedurat për furnizimin dhe menaxhimin me rezervat shtetërore, si dhe dyshimet për keqpërdorime dhe abuzime të mundshme me rezervat shtetërore, nëpërmjet kualifikimit të procedurës si sekret shtetëror për furnizime të tilla.
Ky Komision ka marrë mbështetjen e 69 deputetëve që votuan pro, një kundër dhe gjashtë të tjerë kanë abstenuar.
