F.B.
Kombëtarja e Shqipërisë ka regjistruar fitoren e parë në kualifikimet për Kampionatin Evropian “Euro 2024”.
Të përzgjedhurit e Sylvinhos triumfuan sonte ndaj Moldavisë.
Ndeshja e zhvilluar në stadiumin “Air Albania” përfundoi me rezultatin 2:0.
Jasir Asani shënoi një gol jashtëzakonisht të bukur nga distanca në minutën e 52-të për epërsinë e parë. Për 28-vjeçarin ishte ky goli i tij i parë me fanellën kuq e zi.
ADVERTISEMENT
Golin e parë zyrtar e gjeti edhe Nedim Bajrami, i cili shënoi në minutën e 76-të për të vulosur fitoren.
Shqipëria pas kësaj fitore ka tre pikë dhe renditet e treta në Grupin E. Kombëtarja shqiptare ka zhvilluar dy ndeshje në grup deri tash.
