Liria e regjistroi fitoren e radhës sot në kuadër të javës së 25-të në Grupin A të Ligës së Parë.
Prizrenasit fituan në udhëtim kundër Rahovecit me rezultatin e pastër, 0:2.
Liria është e dyta në tabelë me 50 pikë, tri më pak se lideri i këtij grupi, Feronikeli ’74.
Trajneri i Lirisë, Xhengiz Rexhepi, përmes një postimi në llogarinë e tij në “Facebook”, ka theksuar se të gjitha pikët deri më tani i kanë grumbulluar me djersë.
Ai pretendon se të gjithë të tjerët janë kundër Lirisë.
Postimi i plotë nga Rexhepi (pa ndërhyrje):
“Kundër të gjithëve!
Javët e ardhëshme motivoni klubet ende më shumë.
Rrugës suksesit pa ble asni ndeshje !
50 pikë të tubuar të pastër si loti.
Pa ndihmën e askujt, por me pengesa të shumta të mbrendshme dhe të jashtme.
Përveq Allah-ut sën na ndal askush”.
