Shoqata Ndërkombëtare e Grave Shqiptare në botë “Mbretëresha Teuta” me seli në Zagreb të Kroacisë ka mbajtur manifestimin tradicional prej 33 vjetësh të themelimit!.
Me një ceremoni madhështore ku u fol për historinë dhe kulturën shqiptare, në prani të figurave të njohura publike kroate dhe shqiptare u promovua edhe libri i autores e gazetares Alketa Gashi Fazliu “Ato gdhendin dhimbjen”!
Kryetarja e shoqatës znj.Shenida Bilalli përpos një organizimi briliant me koreografi të shkëlqyera ku shpjegohej historia e Mbretëreshës Teuta dhe jo vetëm, foli edhe për rëndësinë e bashkëpunimit të shqiptarëve nëpër botë dhe tregimit të drejtë të historisë sonë!
Ambasadori i Republikës së Kosovës Z.Martin Berishaj ofroi gjithë mbështetjen institucionale për shqiptarët në Kroaci !
Në manifestim të pranishëm ishin edhe deputetja e parë shqiptare për pakicat znj . Ermina Lekaj Prljaskaj, Tomë Kaqinari, Esad Çollaku që udhëheqë me Unionin e shqiptarëve në Kroaci, historian, artist, nëna kroate e shumë personalitete të tjera!
Në fund të manifestimit u nda çmimi ndërkombëtar “Mbretëresha Teuta” për dy shqiptare të Kosovës, autoren dhe gazetaren Alketa Gashi Fazliu dhe nënën simbol të qëndresës Ferdonije Qerkezi!
Ky çmim viteve të kaluara i është dhënë grave të forta si Nekibe Kelmendi, Flora Brovina, Vasfije Krasniqi Goodman etj!
