Ministria e Bujqësisë, Pylltarisë dhe Zhvillimit Rural, sot do të shënojë Ditën Ndërkombëtare të Pyjeve me temën “Pyjet dhe ushqimi”. Në këtë ngjarje, që mbahet te Parku i Pishave në Sllatinë, do të merr pjesë edhe ministri i Bujqësisë, Faton Peci.
Edhe Drejtoria e Parqeve, në bashkëpunim me fëmijët nga “Klubi i Gjelbër” i shkollës fillore “Elena Gjika” dhe NPL “Gjelbër”, organizon aktivitetin e mbjelljes së luleve sezonale për Ditën e Pranverës. Marrin pjesë nënkryetari i Prishtinës Alban Zogaj dhe drejtoresha e Parqeve, Donika Çetta.
Dita Ndërkombëtare e Pyjeve është një ditë ndërkombëtare e cila shënohet më 21 mars. Si e tillë ajo është shpallur me një rezolutë të Asamblesë së Përgjithshme të Kombeve të Bashkuara miratuar më 28 nëntor të vitit 2012.
Çdo vit, ngjarje të ndryshme shënojnë këtë ditë duke ngritur dhe formësuar vetëdijen për rëndësinë e të gjitha llojeve të pyjeve, si dhe pemëve jashtë pyjeve, në dobi të brezave të tanishëm dhe të ardhshëm.
