Sami Boroci është vendosur në rolin e Drejtorit Sportiv te skuadra e Malishevës, e cila garon në Superligë.
Njoftimi ka ardhur nga klubi i Malishevës.
“Me kënaqësi prezantojmë drejtorin e ri sportiv të klubit tonë – Sami Boroci një figurë me vizion të qartë dhe përkushtim ndaj filozofisë sonë. Me qëllim të forcimit të kapaciteteve organizative dhe vazhdimit të zhvillimit të klubit në drejtimin e duhur, kemi emëruar z. Boroci në rolin e Drejtorit Sportiv. Ky nuk është vetëm një ndryshim në strukturë. Është një hap i madh drejt një të ardhme ku puna e përbashkët, pasioni dhe synimet e qarta do ta çojnë klubin aty ku e meriton. Sami Boroci është një profesionist me përvojë të gjatë në sektorin privat dhe publik. Ai është gjithashtu një nga themeluesit e KF Prishtina e Re, klub të cilin e ka udhëhequr për pesë vite – nga dita e parë, deri në inkuadrimin në Superligën e Kosovës”, ka njoftuar skuadra malishevase. “Me përvojën, vizionin dhe pasionin e tij për futbollin, besojmë se do të arrijmë së bashku edhe më shumë suksese, në përputhje me objektivat dhe rrugën që ka zgjedhur klubi jonë”.
