Anëtari i Bordit të klubit futbollistik, Prishtina, Remzi Ejupi ka bërë thirrje Ministrisë së Kulturës, Rinisë dhe Sportit që të gjejnë një zgjidhje me Federatën e Futbollit të Kosovës që federata të licencohet sa më shpejtë, pasi klubet po dëmtohen.
FFK-ja ende nuk është licencuar nga MKRS-ja, dhe Ejupi i ftuar në emisionin “Dueli Sportiv” në Dukagjini, ka thënë se për shkak të disa individëve, apo disa faktorëve aty, nuk duhet të moslicencohet federata, pasi ai mendon që kjo gjë është shumë e dëmshme.
“Kur e shohim moslicencimin kthehemi dhjetë hapa mbrapa, licencimi ka qenë shumë i rëndësishëm, dhe duke e pare sa vjet janë bërë, atëherë ishte në vitin 2016, pothuajse 16 vjet, duke e ditur situatën gjithë klubet prej pasionit, dashnisë së madhe ndaj futbollit, kanë bërë shumë duke mosllogaritur kurrë ndonjëherë që do t’ju kthehen ato mjete që kanë investu. Atëherë filloi Ligji për Sport, unë isha një sponsor i grupit të komisionit parlamentar, që të marrim një formë sesi të praktikojmë Ligjin për Sport në Perëndim, unë gjeta një mbështetje nga Federata Gjermane që të na jepet modeli si si praktikohet Ligji për Sport, në Kosovë atëherë u flit 10%, kurse ne arritëm me atë propozim të atij Ligji që e sjellëm këtu ishte në 30%, fillimisht ishte natyrisht i vështirë, por më pas arritëm bashk me komisionin sesi ai ligj mund të shfrytëzohet e të mos dëmtohet buxheti por edhee të ndihmohet sporti jashtëzakonisht shumë dhe u arrit ai ligj të kalohet në 10%. Për fatin tone të keq erdhi COVID-19, nuk mundëm ta shfrytëzojmë, pas COVIDIT ka filluar ai ligj të shfrytëzohet prej disa klubeve, jo nga të gjithë klubet, ishte duke shkuar mire, por tani të pësojmë nga ajo, të kthehemi prapa, mos ta shfrytëzojmë për moslicencim për shkak të disa individëve, apo disa faktorëve aty, unë mendojë që është gjë shumë e keqe, një dëm shumë i madh për futbollin, edhe për federatat tjera që nuk janë licencu, andaj unë mendojë që çmos duhet me bë që ministria të gjejë një ujdi me federatën, dhe bëjë ftesë edhe ministrit që të gjejë një zgjidhje, për arsye se këtu po dëmtohen klube”, ka thënë Ejupi.
