F.B.
Real Madrid ka siguruar kalimin në çerekfinale të Botërorit të Klubeve pas fitores 1-0 ndaj Juventus.
Tash skuadra madrilane do të ndeshet me skuadren saudite, Al Hilal, me të cilën kanë qenë në të njëjtin grup dhe që në ndeshjen e parë kanë luajtur baraz.
Në minutat e para të ndeshjes së sontme, Real ka qenë në gjysmën e tij të fushës, ku është ballafaquar me një Juventus me disa raste të rrezikshme, ku më afër golit ka qenë Randal Kolo Muani, i cili ka provuar ta kalonte topin mbi portierin Courtois. Më vonë, një goditje e Kenan Yıldız ka kaluar shumë pranë shtyllës.
Real Madrid nuk e ka gjetur rastin e parë serioz deri pas tridhjetë minutash, kur Jude Bellingham është lirua në zonë, por portieri Di Gregorio dhe mbrojtësi Rugani e kanë shpëtuar Juventus nga goli.
Pak para përfundimit të pjesës së parë, Valverde ka pasur një mundësi me një goditje nga distanca, por portieri italian e ka ndalur topin.
Në pjesën e dytë, Valverde ka provuar sërish, por pa sukses.
Goli i vetëm ka ardhur kur Trent Alexander-Arnold ka asistuar për Gonzalo Garcia, i cili ka shënuar me kokë për 1-0. Pas golit, Mbappe është rikthyer në fushë pas një periudhe pauze dhe ka pasur ndikim menjëherë, duke asistuar për Arda Guler, por goditja e tij është ndalur nga Di Gregorio.
Pavarësisht përpjekjeve, Juventus nuk ia ka arritur të shënojë dhe është eliminuar në fazën e 1/16-ës në këtë turne.
