Kryeministri Edi Rama, ka dalë i kënaqur për Shqipërisë nga takimet që i pati me udhëheqjen evropiane, por i brengosur për Kosovën. Ai thotë se është konstatuar dëmtimi i raporteve të saj me Bashkimin Evropian.
Rama ka shkruar se për ndërkombëtarët, që janë shtete aleate strategjike, është e pakonceptueshme që Kosova refuzon të bëjë një hap të vogël për shtensionimin e situatës në veri.
Kryeministri shqiptar thotë se nga “mjegulla” që po e krijon qasja që po e krijon Kosova në raport me aleatët e saj, po përfiton Serbia.
“Kësisoj Beogradi po ia del të fshihet pas mjegullës gjithnjë e më të dendur, që qasja e pashpjegueshme strategjike e Prishtinës po krijon mes Kosovës dhe bashkësisë euroatlantike, sidomos pas lirimit pa kushte nga Serbia të tre policëve të mbajtur fare padrejtësisht, me ditë të tëra, në kushtet e heqjes së lirisë”, thuhet ndër të tjera në reagimin e Ramës, të publikuar në Twitter.
