Presidenti i Serbisë, Aleksandar Vuçiq, në një intervistë për televizionin kombëtar spanjoll TV Espanjola ka thënë se nënkryetari i Listës Serbe, Milan Radojiçiq ka dhënë dorëheqje nga ajo pozitë.
“Radojiçiqi nuk dëshiron ta dëmtojë më tej Listën Serbe”, tha Vuçiqi, transmeton Zeri.info.
Ai vuri në dukje se Listën Serbe e sheh si luftëtare të lirisë dhe se të gjithë serbët që jetojnë në Kosovë mendojnë njësoj.
Në një intervistë për televizionin kombëtar spanjoll presidenti serb e cilësoi situatën në Kosovë si shqetësuese.
“Nuk e di nëse ajo që ndodhi ishte një pikë kthese. Jam shumë i shqetësuar sepse e di sa agresive janë Albin Kurti dhe Vjosa Osmani. Sidomos kur besojnë se kanë shumë mbështetje nga një pjesë e bashkësisë ndërkombëtare dhe kjo më shqetëson dhe më frikëson”, tha Vuçiqi.
