F.B.
Queven Da Silva Inacio është zgjedhur futbollisti më i mirë i javës në Superligën e Kosovës.
Sulmuesi brazilian e nisi në mënyrë brilante eksperiencën në futbollin kosovar duke i realizuar dy gola për Ballkanin në fitoren ndaj Dukagjinit me rezultat 2:0.
Pasi e mori këtë çmim, Da Silva Inácio u shpreh i lumtur që u vlerësua si më i miri i javës së parë në edicionin e ri të futbollit elitar.
“Së pari, do të doja të falënderoja Zotin për këtë mundësi që të jem këtu dhe gjithashtu ekipin tim, sepse pa ata asgjë nga kjo nuk do të ishte e mundur. Po punojmë shumë për të arritur qëllimin tonë. Kemi ligën që ka nisur dje dhe qëllimi ynë është të bëhemi sërish kampionë. Jam shumë i lumtur që jam këtu dhe përfaqësoj Balkanin, këtë ekip të madh që ka një peshë të madhe në futbollin e Kosovës. Do të luftojmë deri në fund dhe do të punojmë gjithmonë për të qenë në majë. Në lidhje me trofeun, jam shumë i lumtur. Pas një kohe të gjatë që shumë gjëra ndodhën me mua. Shumë njerëz nuk e dinë, por kam kaluar kohë të vështira. Por Zoti është i madh dhe ai di gjithçka. Prandaj, jam mirënjohës për gjithçka dhe puna nuk ndalet”, tha Queven Da Silva Inácio për faqen zyrtare të FFK-së.
