Presidentja e Greqisë, Katerina Sakellaropoulou, e ka cilësuar përplasjen e trenave si një “tragjedi të paimagjinueshme”.
Mediat lokale raportuan se Sakellaropoulou tha në një deklaratë: “Ne po përballemi me një tragjedi të paimagjinueshme, ne vajtojmë kryesisht të rinjtë”, shkruan BBC, transmeton Klan Kosova.
“Ndajmë dhimbjen e atyre që kanë humbur të dashurit e tyre, edhe pse e dimë se dhimbja e tyre është aq e madhe sa që asnjë fjalë ngushëlluese nuk mund ta lehtësojë atë. Ne po luftojmë për të lënduarit dhe shpresojmë që ata të shërohen shpejt”.
“Falënderojmë ekipet e shpëtimit dhe personelin mjekësor, të cilët japin të gjithë kapacitetin e tyre për operacionet e nxjerrjes dhe shpëtimit. Shpreh dhimbjen dhe ngushëllimin tim të thellë për familjet e viktimave. Ne jemi pranë tyre.”
Presidentja ishte një udhëtim zyrtar në Moldavi, por tani e ka shkurtuar udhëtimin për të vizituar vendin e ngjarjes.
