F.B.
Një skenë e pahijshme ka ndodhur sot në orët e mëngjesit në afërsi të pikës kufitare në Merdar, ku disa qytetarë janë kacafytur mes vete në kolonën e krijuar të automjeteve e më pas edhe me pjesëtarët e policisë.
Në një video e cila është bërë virale në internet shihen disa persona duke u përleshur, e ku nuk janë kursyer as zyrtarët policor.
Lidhur me këtë rast tre persona të dyshuar janë shoqëruar në polici. Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
“Sot rreth orës 10:00, në Merdar ka ndodhë një incident, ku patrulla e policisë është sulmuar nga persona të dyshuar. Në këtë rast lëndime trupore kanë pësuar dy zyrtarë policor. Pas vënies nën kontroll të situatës dhe shoqërimit në stacion të tre personave të dyshuar, policia në koordinim me prokurorin e shtetit, kanë nisë një hetim për veprën ‘sulm ndaj personit zyrtar’”, ka thënë Ahmeti.
