Futbollisti më i mirë në historinë e futbollit, Lionel Messi me Kombëtaren e Argjentinës, fiton Kupën e Botës në Kampionatin Botëror, që u mbajt në Katar.
U deshën 36 vjet pritje që nga 1986 që gjenerata e Lionel Messi-s me shokë ta rikthejnë Kupën e Botës sërish në Argjentinë.
Nuk ishte aspak lehtë, në një konkurrencë të fortë me kombëtarët siç ishin: Franca ish-kampion deri dje, pastaj me Brazilin; kampion i pesëfishtë i Kupës së Botës, Kroacia; nën-kampion nga kampionati i kaluar, Anglia, Holanda,Spanja, Uruguaji dhe befasia e këtij botërori Maroku, si dhe shumë kombëtare tjera.
Kampionët e katërfishtë botëror, Gjermania dhe Italia ndoshta ia mundësuan Argjentinës qe ta ketë më të lehtë këtë rrugëtim, për faktin se Gjermania u eliminua në fazën e grupeve, ndërkaq Italia u eliminua në kualifikime dhe nuk ishte fare në Katar.
Argjentina prandaj erdhi si ndër favoritet në këtë botëror, duke llogaritur formën e mirë dhe fitoret e njëpasnjëshme, e që s’donte t’ia dinte për humbje. Bashkë me Francën, Brazilin dhe Anglinë llogariteshin si favoritët kryesorë të këtij botërori.
Qysh në fillim tronditi botën e futbollit që në ndeshjen e parë humbi nga Arabia Saudite me rezultat 1:2 dhe për shumë tifozë të kombëtareve tjera kjo humbje ishte gëzim, sepse mendonin se nuk paska gjë nga Argjentina!
Në fakt, kjo nuk qëndronte, për faktin se ata kishin arritur në Katar për të vetmin qëllim; fitimin e Kupës së Botës.
Patën probleme në disa ndeshje, megjthatë thuhet shpeshherë se fati i përcjell trimat dhe kjo ndodhi sepse përpos golave te Messi-s dhe Alvares-it, ishte edhe portieri Martinez i cili me pritjen e penalltive bëri qe të jetë protagonisti kryesor, jo vetëm në finale, prandaj me meritë dhe me mund ia arritën qëllimit ta fitojnë Kupën e Botës, sërish pas 36 vjetësh.
Urime Argjentinës, Messsi-s dhe bashkëlojtarëve të tij.
Pas katër vjetësh Kupa e Botës do të mbahet në SHBA, Meksikë dhe Kanada.
Shëndet…
