Për të shtunën në Kosovë parashikohet të mbajë mot me diell dhe vranësira të pakta, e në Shqipëri në zonat bregdetare do të jetë mot pranveror me diell.
Mëngjesi në Kosovë mbetet me acar, njofton Meteo Kosova. Era do të fryjë drejtimesh të ndryshme, e cila në momente të caktuara pritet të jetë mjaft e fuqishme, veçanërisht në rajonin e Gjakovës, me shpejtësi prej 20-55 km/h!
Temperaturat minimale do të luhaten prej -3 deri në 1°C, ndërsa ato maksimale prej 13 deri në 16°C.
Ndërsa Shërbimi Meteorologjik Ushtarak se në Shqipëria do të vijojë të ndikohet nga kushte të qëndrueshme atmosferike falë masave ajrore me origjinë perëndimore.
Në këtë mënyrë moti parashikohet me vranësira dhe kthjellime. Në zonat e ulëta në orët e mëngjesit do të ketë mjegull dhe shikim të reduktuar.
Temperaturat gjatë ditës do të sillen nga -1 gradë në Kukës në mëngjes deri në 17 gradë në Vlorë e Sarandë gjatë ditës.
