Parashikimi i motit për fundjavë, me diell dhe vranësira të shpërndara

F.B.

Instituti Hidrometeorologjik i Kosovës ka bërë të ditur se gjatë vikendit do të mbajë mot kryesisht me diell.

IHK ka njoftuar se të shtunën parashihet të mbajë mot me diell dhe vranësira të shpërndara.

Sipas IHK –së temperaturat minimale do të lëvizin ndërmjet 9-11 gradë Celsius, ndërsa maksimalet e ditës parashihen të lëvizin ndërmjet 25-28 gradë Celsius.

Ndërsa të dielën do të mbajë mot me diell. “Vranësira të pakta mund të shfaqen rreth relievit malor. Temperaturat minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 26-29-gradë Celsius. Do të fryjë erë kryesisht nga juglindja e lehtë deri mesatare”, thuhet në parashikimin e IHK-së.