F.B.
Papua Guinea e Re urdhëroi këtë të martë mijëra banorë të evakuuohen në rajonin Enga pasi një pjesë e një mali u shemb të premten, duke varrosur të paktën 2,000 njerëz.
Zyrtarët thanë se shanset për të gjetur të mbijetuar ishin të pakta, edhe pasi ekipet e ndihmës mbërritën në rajonin verior Enga të vështirë për t’u arritur të kombit të Paqësorit, raporton Reuters.
Pajisjet e rënda dhe ndihmat kanë qenë të ngadalta për të mbërritur për shkak të terrenit të paarritshëm dhe trazirave fisnore në zonë, duke detyruar ushtrinë të shoqërojë autokolonat e ndihmave.
Banorët përdorën lopata dhe duartë për të kërkuar të mbijetuarit.
“Zona e rrëshqitjes është shumë e paqëndrueshme. Kur jemi atje lart, dëgjojmë rregullisht shpërthime të mëdha aty ku është mali, ka ende gurë dhe mbetje,” tha për Reuters kryetari i Komitetit të Fatkeqësive të Provincës Enga, Sandis Caka.
Personeli ushtarak ngriti pika kontrolli dhe ndihmoi në zhvendosjen e banorëve në qendrat e evakuuimit.
