F.B.
Ministri i Punëve të Jashtme të Maqedonisë së Veriut, Bujar Osmani, në kuadër të vizitës së punës në Spanjë, zhvilloi një takim me Përfaqësuesin e Lartë të BE-së për Politikë të Jashtme dhe Siguri dhe zëvendëspresidentin e Komisionit Evropian, Josep Borrell.
Osmani, në një postim në Facebook, tha se takimi me Përfaqësuesin e Lartë të BE-së, Josep Borrell, në Santander, ishte produktiv dhe miqësor.
Ai thotë se në fokus të bisedimeve ishte integrimi evropian i Maqedonisë së Veriut dhe se informoi shefin e diplomacisë evropiane për rrjedhën e debatit parlamentar me qëllim të miratimit të amendamentit Kushtetutës, si angazhim për rrugëtimin e vendit drejt anëtarësimit të plotë në BE.
“Me miratimin e ndryshimeve kushtetuese, Maqedonia e Veriut dëshmon se është e gatshme për anëtarësim në Bashkimin Evropian dhe pret që negociatat e anëtarësimit nga BE-ja të përfundojnë deri në fund të vitit 2030. Prandaj, as vendi e as BE nuk duhet të lejojnë ndonjë kthim mbrapa nga qëllimi”, shkruan Osmani në Facebook.
Sipas ministrit Osmani, integrim drejtë anëtarësimit në BE është në interes të përbashkët për Maqedoninë e Veriut ashtu edhe për BE-në. “Partner më i zhvilluar sot, aleat më i dobishëm nesër”, shkruan Osmani.
