F.B
Presidentja e Kosovës, Vjosa Osmani, ka pritur në takim shefen e Zyrës Ndërlidhëse të Greqisë në Kosovë, ambasadoren Heleni Vakali, me të cilën kanë diskutuar për zhvillimet e fundit në vend, procesin e dialogut Kosovë-Serbi si dhe për thellimin e bashkëpunimit në mes të Kosovës dhe Greqisë në sfera të interesit të ndërsjellë.
Në njoftimin nga Presidenca, thuhet se Osmani foli edhe për rëndësinë e anëtarësimit të Kosovës në Këshillin e Evropës, i cili siç tha ajo, është në interes të të gjithë qytetarëve pa dallim.
ADVERTISEMENT
Tutje, Presidentja ritheksoi nevojën e heqjes së masave të BE-së ndaj Kosovës, të cilat sipas Osmanit, janë të padrejta dhe krijojnë mungesë ekuilibri në dialog.
