Kylian Mbappe sonte në mbrëmje synon përmbysjen ndaj Dortmundit për të siguruar finalen e këtij edicioni në Champions League. Parisianët zbresin në fushën e tyre, aty ku misioni “përmbysje” merr nota thelbësore, pas disfatës në transfertën e Gjermanisë. Mbappe është shprehur i bindur se ai me shokë do të bëjnë përmbysjen e madhe në këtë sfidë.
“Është normale të jemi në presion, pas rezultatit negativ në sfidën e parë.
Por kjo nuk më shqetëson aspak. Ne kemi edhe 90 minuta të tjera për të luajtur dhe rezultati është i hapur. Duke njohur kualitetin e ekipit dhe urinë, besoj seriozisht se do arrijmë me sukses në finalen e Champions-it.
Koha e duhur për të treguar veten, aq më tepër përpara mbështetësve tanë.
Përsa i takon prezencës në Lojërat Olimpike, mbaj të njëjtin qëndrim. E kam ëndërruar që i vogël të jem pjesë e këtij kompeticioni dhe tashmë kamë shansin e artë për ta bërë realitet. Shpresoj se gjithçka do të shkojë mirë deri verë”, tha Mbappe.
