Partitë opozitare i kanë reaguar kryeministrit Kurti, i cili tha se nëse zgjedhjet do të mbaheshin tani, opozita do të humbte, e Qeveria do të mbeste pa opozitë. PDK dhe AAK, kanë thënë se dorëheqja e kryeministrit Albin Kurti do t’i shërbente vendit dhe se Kurti e di shumë mirë që e ka humbur fuqinë politike.
Shefi i Grupit Parlamentar të PDK-së, Abelard Tahiri, ka thënë se dorëheqja e kryeministrit Albin Kurti do t’i shërbente vendit bazuar në situatën politike të krijuar së fundmi. Tahiri ka thënë se kurdo që do të mbahen zgjedhjet e përgjithshme, Kurti nuk do të arrijë ta marrë sërish pushtetin.
Favori dhe shërbimi më i madh që do t’ia bëj sot Kosovës kryeministri Kurti është të japë dorëheqje dhe të shkojë vendi në zgjedhje. Vetë fakti që atij në mendje i shkon opozita, kjo tregon që ai frikën e ka pikërisht nga kjo opozitë dhe një gjë e ka tashmë të sigurt që kjo qeveri, kurdo që të mbahen zgjedhjet, ai nuk do të mund të krijojë. Ky është mandati i tij i fundit si kryeministër, nuk do t’i ketë as numrat, as mundësinë ta krijojë një qeveri tjetër”, ka thënë Tahiri, duke u përgjigur deklaratave të Kurtit për opozitën dhe zgjedhjet e përgjithshme.
Edhe shefi i Grupit Parlamentar të Aleancës për Ardhmërinë e Kosovës, Besnik Tahiri i është përgjigjur deklaratave të kryeministrin Albin Kurti. Ai pas mbledhjes së Kryesisë, tha se Kurti e di shumë mirë që e ka humbur fuqinë politike, duke e ftuar që të dalë në zgjedhje “nëse i’a mbanë”.
“Kryeministri Kurti ka filluar që të bëhet humorist, ai asnjëherë nuk ka pasur kujdes për opozitën, ai nuk kujdeset për njerëzit që i ka brenda që kanë mendim ndryshe le me për opozitë. Le të del në qoftë se ja mban në zgjedhje e sheh, ai e di shumë mirë që e ka humbur fuqinë elektorale politike”, ka thënë Tahiri.
Sipas tahirit Kosova është në një qorr-sokak është nënë masa më të rrepta nga aleatët e saj, ndërsa Kurti vazhdon të flet dhe të mos thotë asnjëherë. Sipas tij, kjo çështje e dëmton Kosovën dhe është duke penguar rrugën e saj drejt BE-së.
