Rrjeti i Organizatave të Mitrovicës ka reaguar pas rrënimit të shtëpisë së familjes Koroglu, e mbrojtur me ligj si vlerë e trashëgimisë kulturore.
Ata kanë thënë se rrënimi i këtij objekti është humbje e thellë që prek të tashmen dhe të ardhmen.
“Me anë të këtij reagimi, ne kërkojmë që të ndërmirren hapa të menjëhershëm dhe konkret drejt riparimit të dëmit të shkaktuar, dhe të ndërmerren masa të menjëhershme pasuese për të garantuar konservimin dhe menaxhimin e mëtejshëm të këtij objekti”, thuhet në reagimin e RrOK Mitrovica.
Tutje ata kanë kërkuar nisjen e një hartimit të një plani të qartë dhe të detajuar për menaxhimin e trashëgimisë kulturore në nivel lokal, gjë e cila është kërkuar në vazhdimësi nga sektori i pavarur kulturor në Mitrovicë.
“Ky plan duhet të përfshijë hapa për ruajtjen dhe promovimin e objekteve të trashëgimisë kulturore, si dhe për të siguruar një mirëkuptim të gjerë dhe angazhim të komunitetit për mbrojtjen dhe ruajtjen e pasurisë sonë të përbashkët kulturore”, kanë shkruar RrOK.
Shtëpia e familjes Koroglu është me ndërtuar në kohën e pushtimit osman, teksa që nga viti 1978 ka hyrë në mbrojtje nga Ministria e Kulturës. Organizatat të cilat reaguan për rrënimin e pjesshëm të tij janë 7 Arte, Dhemetra, KnKub Heritage, KosovaArs, Mitrix, Mitrovica Guide, Me dorë në zemër, Mundësia, REC Kosova, Trungu dhe Valët e Paqes.
